David Raya ကိုစောင့်ကြည့်နေတဲ့ ထိပ်တန်းအသင်းများ။

ဘရန့်ဖို့ဒ် ဂိုးသမား David Raya [ ဒေးဗစ် ရာယာ ] ကို စောင့်ကြည့်နေတဲ့ ပရီးမီးယားလိဂ် အသင်းများ။
David Raya [ ဒေးဗစ် ရာယာ ] ဟာ လက်ရှိ ဘရန့်ဖို့ဒ် အသင်းရဲ့ စာချုပ်သစ် ကမ်းလှမ်းမှုကို ပယ်ချခဲ့တာကြောင့် သူ့ရဲ့ အပြောင်းအရွှေ့နဲ့ ပတ်သက်ပြီး မန် ယူနိုက်တက်၊ ချဲလ်ဆီးနဲ့ တော့တင်ဟမ် ဟော့ စပါး အသင်းတို့က အပြင်းအထန် စောင့်ကြည့်နေကြပါတယ်။
ဘရန့်ဖို့ဒ် နဲ့ စပိန် လက်ရွေးစင် ဂိုးသမား David Raya [ ဒေးဗစ် ရာယာ ] ဟာ သူ့ကို အခု နွေရာသီမှာ ခေါ်ယူဖို့ မန်ချက်စတာ ယူနိုက်တက်၊ ချယ်လ်ဆီး နဲ့ တော့တင်ဟမ် ဟော့စပါးအသင်းတို့ကို မျှော်လင့်ချက် အနေနဲ့ ရှိနေပြီ ဖြစ်ပါတယ်။
1xBet အကောင့်အသစ် ဖွင့်သူများအနေနဲ့
Promo code (ပရိုမိုကုဒ်) 👉 MMSPORT100 👈 ကိုအသုံးပြုတာနဲ့ 100% ဘောနပ်စ် ရရှိမှာပါ။
ဘရန့်ဖို့ဒ်အသင်းမှာ အနာဂတ်မသေချာဖြစ်နေတဲ့ David Raya [ ဒေးဗစ် ရာယာ ]။
အသက် ၂၇ နှစ် အရွယ် ဒေးဗစ် ရာယာဟာ သောမတ်ဖရန့် ရဲ့ အသင်း နဲ့အတူ ၂၀၂၁ ခုနှစ်မှာ ပရီးမီးယားလိဂ်ကို တန်းတက်လာကတည်းက အပြောင်းအရွှေ့ ကိစ္စရပ်တစ်ခု ဖြစ်ခဲ့ပါတယ်။
ဒါပေမယ့်လည်း လာမယ့် နွေရာသီ အပြောင်းအရွှေ့ ဈေးကွက် နီးကပ်လာတာ နဲ့အမျှ အသင်းနဲ့ သူ့ရဲ့ အနာဂတ်ကလည်း အရင်ကထက် ပိုမို မရေမရာ ဖြစ်နေတာ တွေ့ရပါတယ်။

ရာယာဟာ ဘရန့်ဖို့ဒ်အသင်းနဲ့အတူ ၂၀၂၁ ခုနှစ်မှာ ပရီးမီးယားလိဂ်ဆီ တန်းတက်လာခဲ့ပါတယ်။
ဘ ရန့်ဖို့ဒ် ကွန်မြူနတီကွင်းမှာ ဒေးဗစ် ရာယာ ရဲ့ စာချုပ်သက်တမ်းက ၁၈ လသာ ကျန်ရှိတော့ပြီး ယမန်နှစ်က လာဇီယိုမှ သောမတ် စထရာကိုရှာကို အလွတ် ပြောင်းရွှေ့ကြေး နဲ့ ခေါ်ယူခဲ့ပါတယ်။
စထရာကိုရှာကို ခေါ် ယူလိုက်ခြင်းဟာ ဒေးဗစ် ရာယာ ရဲ့ မလွှဲမရှောင်သာ ထွက်ခွာမှုအတွက် ကလပ်အသင်း အနေနဲ့ ဂိုးသမား အစားထိုးနေရာ ပြင်ဆင်နေခြင်း ဖြစ်ကြောင်း ညွှန်ပြနေပါတယ်။
၂၀၂၂ ကမ္ဘာ့ဖလားမှာ ရာယာဟာ စပိန်အသင်းမှာ ပါဝင်ခွင့် ရရှိခဲ့ပါတယ်။
စထရာကိုရှာဟာ ချန်ပီယံလိဂ် နဲ့ ယူရိုပါလိဂ် အတွေ့အကြုံများအပြင် သူ့ရဲ့ CV တွင် စီးရီးအေ ပွဲပေါင်း ၁၆၀ ကျော် ပါဝင်ကစားထားပေမယ့် အခု ရာသီတွင် ဘရန့်ဖို့ဒ်ရဲ့ ပထမရွေးချယ်မှု ဂိုးသမားအဖြစ် ရာယာနေရာကို အစားထိုးနိုင်ခြင်း မရှိသေးပါ။
ရာယာရဲ့ ပုံစံက ဒီရာသီ ပရီးမီးယားလိဂ် ၂၃ ပွဲမှာ ၈ ပွဲ Clean Sheet ရအောင် လုပ်ပေးထားပြီး ပြိုင်ပွဲမှာ သူ့ရဲ့ ကာကွယ် ကယ်တင်မှု 100 ကို တခြား ဘယ်ဂိုးသမားကမှ ပိုကောင်းအောင် မလုပ်နိုင်ပါဘူး။
ရလဒ်အနေဖြင့် ထိပ်တန်းကလပ်များ စိတ်ဝင်စားမှု စ, တင် မြင့်တက်လာနေပြီ ဖြစ်ပါတယ်။ ဘရန့်ဖို့ဒ်မန်နေဂျာ သောမတ်စ်ဖရန့်ခ်က ရာယာ ယခုနွေရာသီထက် ကျော်လွန်၍ ဆက်လက်ထိန်းသိမ်းထားဖို့ ခက်ခဲမယ်လို့ မကြာသေးမီကတည်းက ဝန်ခံခဲ့ပါတယ်။

စပိန်လက်ရွေးစင် ဂိုးသမား ဒေးဗစ် ရာယာ။
စပိန်လက်ရွေးစင်ဟာ လူးဝစ်အင်းနရစ် ရဲ့ ၂၀၂၂ ကမ္ဘာ့ဖလားပြိုင်ပွဲဝင် အသင်းမှာ ပါဝင်ခွင့် ရရှိခဲ့ပြီး မန်ချက်စတာ ယူနိုက်တက်အသင်းရဲ့ ဒေးဗစ် ဒဟဲယားကတော့ ကာတာမှာ ပါဝင်ခဲ့ခြင်း မရှိပါဘူး။
ရာယာဟာ အိုးလ်ထရက်ဖို့ဒ်မှာ ဒီဂီယာကို အစားထိုးဖို့၊ တော့တင်ဟမ်ဟော့စပါးမှာ ဟူဂိုလိုရစ် ဒါမှမဟုတ် ချဲလ်ဆီးမှာ ကီပါ အာရီဇာဘာလာဂါ၊ ကလပ်သုံးသင်းစလုံးက ဂိုးသမားသစ်အတွက် စောင့်ကြည့်နေတယ်လို့ သိရပါတယ်။
စပိန်သား David Raya [ ဒေးဗစ် ရာယာ ] က ဘာပြောတာလဲ။
The Athletic နဲ့ အင်တာဗျူးတစ်ခုမှာ ရာယာက သူ့ရဲ့ လက်ရှိကလပ်နဲ့ စာချုပ်သစ်ကို ငြင်းဆိုခဲ့ကြောင်း ဝန်ခံခဲ့ပါတယ်။
“ ကျွန်တော် က စာချုပ်နှစ်ခု၊ မနှစ်ကတစ်ခုနဲ့ ဒီဇန်နဝါရီမှာ တစ်ခု ကို ပယ်ချခဲ့တယ်။ သူတို့က ကျွန်တော်တို့ ရှာနေတဲ့ ကမ်းလှမ်းမှုတွေ မဟုတ်ဘူး။ ကျွန်တော်ဒါပဲ ပြောလို့ရတယ်။ ” လို့ Raya က ပြောကြားခဲ့သည်။
“ ကျွန်တော်က ပွဲကစားတာကို အာရုံစိုက်ပြီး ကျွန်တော့်ရဲ့ အနာဂတ်ကို သိပ်ပြီးမစဉ်းစားချင်ပါဘူး။ ကျွန်တော့်မှာ စာချုပ်တစ်ခု ရှိနေတာကြောင့် ဒါကို အပြီးသတ်ဖို့ ဆန္ဒရှိနေတာပါ။ ”

ဘရန့်ဖို့ဒ်က ကမ်းလှမ်းတဲ့ စာချုပ်တွေကို ပယ်ချလိုက်တဲ့ ရာယာ။
“ ဒါပေမယ့်နွေရာသီမှာ ဘာဖြစ်မယ်ဆိုတာကို ခင်ဗျားမသိနိုင်ပါဘူး။ ကလပ်အသင်းက ရောင်းထုတ်ချင်နေတာ ဖြစ်နိုင်တယ်။ နေချင်လည်းဖြစ်မယ်။ ဘောလုံးကိုပဲ အာရုံစိုက်ပြီး ဘာဖြစ်မလဲဆိုတာ ကြည့်ချင်တယ်။ ”
“ကလပ်အသင်းတစ်သင်းကသာ ပိုက်ဆံပေးချင်တယ်ဆိုရင် ဒီအသင်းက စျေးနှုန်းကို ဆုံးဖြတ်လိမ့်မယ်။ အဲဒါပဲဖြစ်မှာပါ။ ” ဟု ဒေးဗစ် ရာယာ က ဆက်လက်ပြောကြားခဲ့ပါတယ်။
ဘရန့်ဖို့ဒ်တို့ဟာ လက်ရှိမှာ ပရီမီယာလိဂ်အဆင့် ၉ နေရာ၌ ရပ်တည်နေသော်လည်း ရာယာက ပိုမိုလိုချင်နေသည်။ “ကျွန်တော့်မှာ ကြီးမားတဲ့ ရည်မှန်းချက်တွေ ရှိပါတယ်။ ” လို့ သူက ထုတ်ဖော် ပြောကြားခဲ့ပါတယ်။
“ကျွန်တော်ဥရောပမှာကစားချင်ပါတယ်။ ဆုဖလားတစ်ခုရဖို့တိုက်ပွဲဝင်ချင်ပါတယ်။ ဥရောပချန်ပီယံဆုရဖို့တိုက်ပွဲဝင်ချင်ပါတယ်။ ဒီလိုဂိမ်းအမျိုးအစားတွေမှာကစားနိုင်မယ်လို့ ကျွန်တော်ယုံကြည်တယ်။” လို့ ဆက်လက် ပြောသွားခဲ့ပါတယ်။
စိတ်ဝင်စားစရာ သတင်းကောင်းတွေကို နေ့စဥ်မလွတ်တမ်း ဖတ်ရှုနိုင်အောင် ညာဘက်အောက်က
အသိပေးခေါင်းလောင်းလေးကို နှိပ်ပြီး Subscribe လုပ်သွားပေးကြပါဦး ခင်ဗျ။